خالتى فرنسا

خالتى فرنسا

لما قلت انى ها احذف اللى بيسخر او يشتم رئيس مصر ناقشنى ابنى في هذا الرأى وكان رأيه ان هذا نوع من الدكتاتورية او رفض سماع الرأى الآخر

الامر ببساطة انى بارتقى بمستوى اصدقائى ولا اقبل ان يكون بينهم ( شرشوحة )

في الفيلم بتاع عبلة كامل خالتى فرنسا قالت عن نفسها هى ومنى زكى انهم ( نسوان شراشيح ) بمعنى  انهم ستات لا تعرف العيب وليس لديها مانع من خلع ملابسها في الشارع اثناء خناقة مع اى حد

انا شايف ان اى شخص على النت ينتقى فقط السـلبيات ويضعها في صورة غير مهذبة ويحشر فيها اسم رئيس الجمهورية ويعتبر نفسه معارض هو انسان غير مؤدب ولا مهذب ولا يختلف كثيرا عن ( فرنسا وبنت اختها الشراشيح )

المصرى طوال عمره مؤدب ويعرف معنى العيب

حتى الآن اعتبر ان مجرد الاشارة الى وسائل العناية بنظافة السيدات عيب من الوزن الثقيل رغم الاعلان عنها في التليفزيون ..... اتربيت على كدة

فعندما اجد الفاظ لم اكن اسمعها في خناقات الحوارى بين ولاد الشوارع ينشرها شباب على النت في حق رئيس مصر ورمزها امام العالم فانى اتجنب هؤلاء الاشخاص

باختصار هل توافق ان تكون صديق لسيدة مثل فرنسا ؟ او شاب بلطجى مفلوت اللسان

هذا اختيارك

اما انا فانى ارتقى بما تراه عيناى وليس مهما ان تكون مؤيدا او معارضا لرئيس الجمهورية ولكن سيزيد احترامى لك اذا كانت معارضتك موضوعية وسيرتفع مستوى احترامى لك جدا اذا رأيتك تذكر السلبيات والايجابيات ايضا

فرحان بمجتمع فرنسا وبتعتبره مجتمع الساعة فعفوا افرح به بعيد عنى

اشكرك على تفهمك اذا كنت تفهم من الاساس 

انا والريس على القهوة

انا والريس على القهوة

سعادة الرئيس عبد الفتاح السيسى : السلام عليكم

امبارح شوفتك في احد المشروعات لابس بنطلون جينز وقميص وبعيد عن رسميات البدلة فياريت تلبس برضه لبس خفيف لاننا ها نقعد سوا على القهوة نشرب فنجانين قهوة سادة معتبرة وتسمع منى كلمتين

ها اجيب القهوة معايا لان ممكن يكون القهوجى خروف ابن جزمة وانت غالى علينا ونحميك بعنينا

اولا يا ريس انا زعلان منك جدا لحاجات كتير فطول بالك واسمع

انا ياريس عاوز يكون لى كرامة في بلدى .. ادخل اى مكان فيها اقول انا مصرى فاتعامل معاملة كويسة ومختلفة عن معاملة الاجنبى سواء كان سورى او غيره

امبارح واحد صاحبى سورى بيقول لى ان بياكل بس من مطاعم السوريين لانه واثق ان معندهمش فيروس سى وان الدواء بتاع الفيروس ده الموجود في مصر كانه تراب

وبيضحك اوى وبالرغم من كدة لما حس بتعب من مرض ما راح مستشفى الدمرداش اتعالج ببلاش ... ليه ياريس هو احنا هفية ؟ في السعودية انا لما باتعب باروح مستشفى خاص ولو ها اموت مش هادخل مستشفى حكومى .... هيا مصر اغنى من السعودية ؟

فاتحها ليه على البحرى يا ريس ؟

..........................

العيال الجزم عاملين هيصة على النت عشان تصريح السفر زاد 80 جنيه ليه كدة ياريس المفروض بدل ما يكون 200 جنيه يبقى 500  جنيه على الاقل وتخلى ضباط الجوازات ميعدوش حد من غير تصريح

انت عارف يا ريس انى باعمل تصريح عمل في السعودية في مكتب العمل بكام ؟

2500 ريال يعنى حوالى 7000 جنيه كان الاول بيدفعهم صاحب العمل دلوقتى بيدفعهم العمال وبيدفع كمان تمن الاقامة والتامين الصحى حوالى 2000 ريال في المتوسط حسب عمره يعنى اكتر من 5000 جنيه كمان بيدفعهم المصرى وهو ساكت

اوعى يا ريس تصدق انه بيدخل عملة صعبة والكلام الاونطة ده لان كله بيبيع فلوسه في السوق السودا او بيدفعها في السعودية ويستلمها في مصر بالجنيه

ولاده قاعدين في مصر بيتعلموا ويتعالجوا ببلاش وهو بروح امه بيساعد الخرفان في غسيل الاموال او بيساعد تجار العملة وزعلان عشان كام جنيه .... ارفع تصريح السفر يا ريس بلاش دلع ال 500 جنيه اقل من تمن ثلاث وجبات كبسة بياكلهم ويتكرع ويقعد على الفيس يندب زى النسوان

............................

ها ادفع تمن الكهربا ياريس حتى لو زادت وها ادفع تمن تامين صحى مهما كان بس المهم يكون محترم وها ادفع اللى تقول عليه بس المهم يكون لى كرامه في بلدى لانى مصرى ... اتعامل في اى مصلحة او مستشفى معاملة خاصة ... ها ادفع ياريس لانى باقول كل حاجة بتمن حتى الجنة بتمن وهو العمل الصالح

.......................

حاجة كمان ياريس .... العيال ولاد الجزمة اللى بتشتمك على النت سايبه ليه ؟

اذا كنت انت متسامح احنا لا .... انت ياريس رمز لنا كلنا ... رمز لمصر ورمز مصر لازم الكل يحترمه واللى يقل ادبه يتجاب من قفا امه ويتعلم الادب بلاش مسخرة

عاوز يعمل ثورى ومعارض يعارض بأدب انما يقل ادبه ياخد بالجزمة هو واهله لانهم معرفوش يربوه .... في بلدنا ياريس لو الكبير معدى قدام الصغير وكلمه لازم الصغير يرد السلام وهو واقف .... اوعى يا ريس ترضى تانى بكلب من دول يطول لسانه

واكرر انت رمز لمصر ولازم الكل يعرف ان مصر مش هفية  .... ها يقولوا قمع وقسوة ؟ ياكش يولعوا بجاز وسخ ... يتعلموا الادب وبعدين يعارضوا

....................................................

ياريس بلدنا فيها ناس كتير محترمة وعندها ضمير وفيها ناس برضه كتير معندهاش ضمير واللى معندوش ضمير لو فضلت سنين تقول له خاف الله مش ها يتعدل لانه اصلا مش بيخاف من ربنا .... لكن ها يخاف اوى لو القانون بيحاسبه

هات شوية ناس نضيفة وتابعهم واعمل مكتب متابعة شكاوى له تليفون ثابت يتلقى بلاغات الرشوة والفساد ويحقق بجدية

الرشوة والفساد زادت اوى يا ريس ومش ها تقل الا بضرب الكبار والصغيرين والكتير ها يخاف من العقاب

اللى معندوش ضمير ياكل بالجزمة ونبطل بقى حنية انه غلبان وعنده عيال

.............................................

تعبت ياريس ؟

معلش استحملنى لانى بحبك وشايف فيك خير ومستقبل كويس

غير العملة ياريس واطبع عملة جديدة وادى فرصة ايام لتغييرها من البنوك مع فرض تحديد مصدرها خلى ولاد الكلب تجار العملة والمخدرات والسلاح يعملوا حفلات حرق الفلوس اللى في كراتين تحت الارض .... مليارات بيتم تداولها في طرق غير مشروعة احرق قلبهم عليها زى ما هما عاوزين يحرقوا الاقتصاد بتاعنا

.............................

سفارتنا في الخارج يا ريس منظر وخلاص .... شوية شباب عاملين اضراب في حجز الشميسى بقالهم كام يوم محدش عبرهم .... هما غلطوا وعاوزين ويخالفوا  القوانين في السعودية اتقفشوا واتحجزوا .... مفيش حاجة لما يروح لهم قنصلنا في جدة ويتكلم مع السلطات ترجعهم مصر .... دول برضه لحمك ياريس حتى لو غلطانين والا القنصل مش فالح الا في الرسميات والحفلات وبس

............................................

الجيش ياريس كله رجالة وشغالين صح اوعى ياريس تسمع كلام الكلاب وتحجمه ... قويه كمان وكمان ياريس ... انا كنت ها اكلمك عن موضوع الكلية الحربية لكن ده موضوع شخصى مينفعش هنا لتجربتى معاهم وكانت موجعة

.........................

شربت قهوتك ياريس ؟

اتفضل ومعلش انى عطلتك ربنا يعينك ودايما بنقول تحيا مصر 

أكلهم التراب

أكلهم التراب

عندما يكون لديك اقارب مؤذية ولهم أفعال ضارة بك سواء مادية او معنوية فماذا تفعل معهم ؟

اذا تركت نفسك على سجيتها فسوف تبصق في وجوههم وتقسم الا تقابلهم بعدها ولكنك تخشى قطع الرحم فما هو الحل؟

أعجبنى رأى ابن عبد البر الفقيه القرطبى وهو مالكى المذهب ويميل كثيرا لفقه الشافعية

فقد قال : أجمعوا على أنه يجوز الهجر فوق ثلاث، لمن كانت ‏مكالمته تجلب نقصاً على المخاطب في دينه، أو مضرة تحصل عليه في نفسه أو دنياه، فرب ‏هجر جميل خير من مخالطة مؤذية

جميل جدا . . نقاطعهم ونكسب راحة البال 

 لكن هناك حديث صحيح في صحيح مسلم يقول : أن رجلا قال يا رسول الله، إن لي قرابة أصلهم ويقطعونني، وأحسن إليهم ويسيئون إلي، وأحلم عنهم ويجهلون علي، فقال: لئن كنت كما قلت! فكأنما تسفهم المل، ولا يزال معك من الله ظهير عليهم ما دمت على ذلك.

والمل هو الرماد الحار

لاحظ ان رسول الله لم يقل ان عليك اثما ان قاطعتهم بل قال انك تطعمهم الرماد الحار ان وصلتهم ومعك من الله ظهير عليهم

الاختيار لك 

الجارح ناسى

الجارح ناسى – قصة هزلية

ذهب التلميذ الى أستاذه مكتئبا وقال يا شيخنا هل ينسى الناس ام يتناسون

تبسم الشيخ وقال كلاهما يا ولدى ... اخبرنى مابالك

قال التلميذ منذ ما يزيد عن عشر سنوات جاء لى عمل في بلد آخر وكانت ابنتى في عامها الجامعى الاول وكان لابد وان تمكث في بلدنا ولابد ايضا ان اتركها واسافر

فطلبت من عمها ان يستضيفها على ان ارسل له كل مصاريفها ووافق فقد كنت وقتها اصرف ايضا على منزله

مكثت البنت لديه عدة شهور وفى منتصف العام جاءت لزيارتى على ان تمكث معى ايام وتعود الى عمها وما ان وصلت الى حتى ارسل لى عمها انه لا يريدها ان تعود اليه مرة اخرى وانه قد قام بتحطيم السرير الذى كانت تنام عليه حتى لا تكون هناك فرصة في عودتها

لم اعقب وضاع عليها العام الدراسى ونقلتها الى البلد الذى انا فيه ولم ترجع اليه ولم يرها من يومها

تبسم الشيخ وقال أين وجه العجب ؟ فهذا يحدث كثيرا

قال التلميذ : وجه العجب انها تزوجت ويدور عمها بين الناس يقول انه فرح بزواجها لانها تربت طوال عمرها على يديه !!!!!!!!!!! لم يرها منذ ان طردها من اكثر من عشر سنوات ويقول انه قام بتربيتها على يديه

فهل نسى ام يتناسى ؟ ام يخدع الاخرين لينال كلمات تشجيع لا يستحقها

تبسم الشيخ وقال يا ولدى ان الجارح ينسى ما احدثه من جروح ما يلقى بسكينه

اما المجروح فيظل جرحه في وجهه مادام حيا

يا ولدى قدم العفو وغفر تظفر بالسلام الروحى

تبسم التلميذ وهو ينصرف متمتما يا شيخنا لاتزال آثار جروحه في جسدى

حقا يا شيخنا الجارح ناسى والمجروح لا ينسى 

موبايل وبودى جارد

موبايل وبودى جارد

كل انسان بيحاول يحمى نفسه بكل طريقة ممكنة ومن أهم طرق الحماية انك تحمى جسمك من أى ضرر أو سوء

تفتكر هل النار بتعتبر ضرر يستحق التفكير انك تحمى نفسك منه ... خلى بالك دى مش نار عود كبريت ها تلسعك وتعالجها .... النار اللى اقصدها نار بتذوب الصخور

نار جهنم

ازاى بقى تخلى الموبايل بودى جارد يحميك من النار ؟

في البخارى من حديث رسول الله صلى الله عليه وسلم :

اتقوا النار ولو بشق تمرة والكلمة الطيبة صدقة

كل كلمة طيبة صدقة تحميك من النار

تعريف الكلمة الطيبة شرحه يطول وانواعها كتير

ابسطها ممكن تخلى موبايلك يكون وسيلة لها

دور في لستة الاسماء

صديق قديم مكلمتوش من زمان اتصل بيه وبدون مناسبة قول له صباح الخير

قريب لم تتصل به من فترة طويلة اتصل بيه وقول له صباح الخير

جارك اللى بتشوفه بالصدفة اتصل بيه وقول له صباح الخير

خلى موبايلك وسيلة لكلمات طيبة كتير ها تكون لك حماية من النار

خلى موبايلك بودى جارد

صباحكم طيب زى قلوبكم الطيبة ... صباح الخير 

من الذى أغضب الجليل

من الذى أغضب الجليل

للإمام السيوطى كتاب رائع اسمه الإتقان في علوم القرآن والإبحار في هذا الكتاب متعة لا نهائية ورغم انى قرأته كاملا الا انى استمتع بتصفحه بين الحين والحين واليوم أنقل لكم جزء بسيط جدا لكنه أستوقفنى وكأنى أقرأه للمرة الأولى

ما معنى القسم منه تعالى فإنه إن كان لأجل المؤمن فالمؤمن مصدق بمجرد الإخبار من غير قسم وإن كان لأجل الكافر فلا يفيده!

وأجيب بأن القرآن نزل بلغة العرب ومن عادتها القسم إذا أرادات أن تؤكد أمرا وأجاب أبو القاسم القشيري بأن الله ذكر القسم لكمال الحجة وتأكيدها: وذلك أن الحكم يفصل باثنين: إما بالشهادة وإما بالقسم فذكر تعالى في كتابه النوعين حتى لا يبقى لهم حجة 

فقال: {شَهِدَ اللَّهُ أَنَّهُ لا إِلَهَ إِلاَّ هُوَ وَالْمَلائِكَةُ وَأُولُو الْعِلْمِ} ؛

 وقال: {قُلْ إِي وَرَبِّي إِنَّهُ لَحَقٌّ}

وعن بعض الأعراب أنه لما سمع

قوله تعالى: {وَفِي السَّمَاءِ رِزْقُكُمْ وَمَا تُوعَدُونَ فَوَرَبِّ السَّمَاءِ وَالأَرْضِ إِنَّهُ لَحَقٌّ} 

صرخ وقال: من ذا الذي أغضب الجليل حتى ألجأه إلى اليمين!

هيا فين المعجزة

هيا فين المعجزة

كلما قرأت سورة الكهف سألت نفسى لماذا سميت بالكهف

هل لانها تحمل بداخلها قصة الفتية المؤمنين وكهفهم الذى جعله الله مأوى لهم لمئات السنين ؟

ولكنهم ذكروا فيه باسم اصحاب الكهف والرقيم فهل الكهف هنا مقصود به الكهف نفسه الذى يعد من معجزات الخالق سبحانه وتعالى ...... نعم معجزة فى تكوينه

هل تصور احدنا كهفا فى الجبل لا نعلم متى نحت ..... هل نحته احد العباد ام سلط الله عليه الريح لتنحته بمواصفات هندسية خاصة للمهمة الجليلة التى يدخرها سبحانه وتعالى للكهف

هل سميت باسم الكهف لقصة الفتية لما فيها من معجزة .؟

السورة تحفل بكثير من القصص التى بها من المعجزات ما يدور معه العقل بحثا ثم يخر الانسان ساجدا للخالق العظيم ......على سبيل المثال ذو القرنين وما اعطاه الله من تكريم ........ كليم الله ورسوله وقصته مع العبد الصالح

هل سميت الكهف لما تحفل به من اسرار تبوح بها لكل راغب فى استكشاف نورها كما يبوح الكهف بما فيه لمن يدخله

هيا فين المعجزة ؟ فالسورة كلها معجزات

أسجد لله ...استغفره ..فما وجدت لسؤالى تفسيرا