الزمالك واللحمة
رغم انى لست من مشجعى كرة القدم الا
انى تابعت ردود افعال الناس على مباراة الامس بين الزمالك ونادى جنوب افريقيا ولقد
صدمنى رد فعل مشجعى الاهلى ومدى تعبيرهم عن فرحتهم لخسارة الزمالك ... بنكره بعض
ليه
لحظات فقط من الصدمة لمدى فرحة
الاهلاوية رغم ان الخصم ليس مصرى
وبعدها تذكرت مواقف مشابهة تجعل
تصرف الاهلاوية عادى جدا
..........................................................
تجار اللحمة المستوردة ها يرفعوا
السعر بدعوى ارتفاع الدولار رغم انهم بيفتحوا اعتمادات من البنوك بالسعر الرسمى
فما هو مبرر الزيادة ؟ المكسب ولو كان مكسب حرام لانه استغلال للظروف ... مش مهم
الوطن .. مش مهم المواطن .. مش مهم اى حاجة غير المكسب ... بنكره بعض ليه ؟
.........................................
تجار السكر بتستغل الموقف وتخزن
السكر رغم انهم لو باعوه بسعره فهم كسبانين لكنه الطمع واستغلال الظروف والمكسب
المهول ولو كان حرام وبرضه مش مهم الوطن .. مش مهم المواطن .... بنكره بعض ليه
............................................
ناس كتير فرحانة فى قتلى الجيش
وبتكتب على مواقع التواصل بتشفى وكان الجيش ده عدو صهيونى لمجرد ان الحكم مش
اخوانى ... الجيش مصرى وافراده مصريين وقادته مصريين ... بنكره بعض ليه ؟
...............................................................
احنا عايشين فى وطن واحد ..
مصلحتنا واحدة .. مستقبلنا واحد .. هدفنا واحد لكن رغم كدة بنحارب بعض ... بنكره
بعض .. بنسرق بعض
نسينا مبدأ من اهم مبادئ الدين
وصانا به الرسول عليه الصلاة والسلام
لا يُؤمِنُ أحدُكم حتى يُحِبَّ لأخيه ما يُحِبُّ لنَفْسِه
الراوي
: أنس بن مالك | المحدث : البخاري | المصدر
: صحيح البخاري
مفيش فرق بين الكورة واللحمة
والسكر كلها علاقات بتجمعنا
كلها مشاعر بنتبادلها
ليه الكراهية وفين الايمان يا
مصريين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.