علم ينتفع به
( 30 ) هل تتبع دينك ؟
سؤال غريب اعلم لكن له سبب ودعنى احدثك عن السبب
احيان كتير باحس انى غير الناس ومختلف عنهم ....
الاختلاف ده احيان كتيرة بيخليهم ينظروا لى بنظرة غريبة شوية ... بتختلف النظرة من
شخص لآخر
منهم اللى بيكتفى بنظرة تعجب ومنهم اللى بيكمل
ويشتم او على الأقل بيعتبرنى مدعى دين
ناس بتقول علمانيين وبتزعل لما تقول لهم يا
عالمانيين
وناس تانية بتقول اسلاميين وبرضه بتزعل لما تقول
لهم ان وصف اسلامى وصف غير صحيح فكلنا مسلمين
الناس كلها بتتكلم فى السياسة وبتتخانق وبتشتم
بعضها وانا غيرهم
قاعد ادور فى القرآن والسنة عن معانى الدين ....
مدعى دين زى ما ها بيقولوا
اكتشفت حاجة غريبة جدا .... اكتشفت ان الدين يقدر
يحل كل اللى بنتخانق عليه وبهدوء شديد بس بشرط
الشرط اننا نتبعه ... اه والله ... نتبع الدين
ايه رايكم ناخد جولة بسيطة كدة على الصبح فى كنوز
السنة وبحور النور
فى الحديث المتفق عليه الذى يروى قصة اسلام ابى
ذر انه ارسل أخوه ليستطلع له احوال الرسول صلى الله عليه وسلم وليعلم الى ماذا
يدعو
انظروا الى رد اخيه ......." رأيته يأمر
بمكارم الأخلاق .. وكلام ما هو بالشعر "
الله أكبر
الرجل المشرك اول ما رآه من أوامر رسول الله صلى
الله عليه وسلم هو دعوته لمكارم الأخلاق
بداية الدعوة مكارم الأخلاق بالطبع بعد التوحيد
اين نحن من مكارم الأخلاق
اول الدعوة مكارم الاخلاق ثم معرفة الحدود
والحلال والحرام
هل اذا تركت السياسة وبدات اتحدث مع الناس عن
مكارم الأخلاق أكون مستحقا لتلك النظرات والأوصاف ؟
بمكارم الأخلاق نبدأ وهى الباب والمدخل الى كل
نفس
الداعية الناجح يبدا بمكارم الاخلاق لتكون مدخله
الى النفوس
مكارم الأخلاق هى المدخل لكل سياسى ليدخل منها
الى منصبه
ومكارم الأخلاق هى التى ستجعل كل مشكلة لها حل
مجنون أنا ؟
بمكارم الأخلاق سيختفى الظلم .... بمكارم الأخلاق
سيعم العدل والمساواة
بمكارم الأخلاق سينتشر الخير
ترى هل نتبع الدين ام نحن المدعون ؟
كانت هذه هى البداية وللجولة فى بحور النور
جولة مع كتاب الله لنا حديث
فللحديث بقية أن كان فى العمر بقية
حفظكم الله
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.