أولياء الله

 

أولياء الله

عاوز تبقى من أولياء الله ؟

الأمر مش مستحيل بل ممكن يكون اسهل مما تتصور المهم انك تكون عاوز تبقى من أولياء الله وتصمم انك تستمر على ان تكون منهم وتعالى اوضح لك ازاى

اولا نقرأ بتدبر قوله تعالى في سورة يونس

أَلا إِنَّ أَوْلِيَاء اللّهِ لاَ خَوْفٌ عَلَيْهِمْ وَلاَ هُمْ يَحْزَنُونَ{62} الَّذِينَ آمَنُواْ وَكَانُواْ يَتَّقُونَ{63} لَهُمُ الْبُشْرَى فِي الْحَياةِ الدُّنْيَا وَفِي الآخِرَةِ لاَ تَبْدِيلَ لِكَلِمَاتِ اللّهِ ذَلِكَ هُوَ الْفَوْزُ الْعَظِيمُ{64}

شوف ربنا قال عنهم ايه وما هى صفاتهم

الأول قال سبحانه وتعالى انه لا خوف عليهم ولا هم يحزنون

 وعد من الحق تبارك وتعالى انك ليس عليك خوف ولن تحزن

الثانى انه لك البشرى في الحياة الدنيا وفى الآخرة  

الثالث ان هذا هو الفوز العظيم

عاوز ايه اكتر من كدة ؟  اوعى تنسى ان اللى بيوعد هو الحق سبحانه

طيب ايه المطلوب عشان تكون من أولياء الله ؟

اولا ان تكون مؤمن

ثانيا ان تكون من المتقين

الأولى معروفة طبعا , اللهم اجعلنا من المؤمنين حقا وصدقا

الثانية وهى كيف تكون من المتقين ؟

شوف يا سيدى افضل واسهل تفسير للمتقين هو : ان تكون حيث أمرك الله وألا تكون حيث نهاك

يعنى باختصار اعرض كل اللى بتعمله على قلبك واسال نفسك وانت موقن ان ربنا شايفك دايما وسامعك وعارف اللى في قلبك هل اللى بتعمله يرضيه ؟ اذا كان يرضيه اعمله واذا كان يغضبه تجنبه

شوفت سهلة ازاى

شغل عقلك وقلبك في كل اعمالك واقوالك واى موقف تكون فيه وابعد عما يغضب الله واكثر مما يرضيه تكون من المتقين

تكون من أولياء الله الفائزين ومن لهم البشرى في الحياة الدنيا والآخرة

اللهم يسر لنا تقواك وتقبلنا من عبادك وأولياءك الذين لا خوف عليهم ولا هم يحزنون

آمين يا رب العالمين

#صدقة_جارية