حوار مع صديقى الكولجى
-
ممكن يا ابنى تسيب الكمبيوتر اللى انت بتجاهد من وراه
ده ونتكلم كلمتين
-
اتفضل
-
تعرف تفهمنى ايه الفرق بين الحكم المدنى والحكم العسكرى
؟
-
الحكم المدنى ان تدار اجهزة الدولة بقانون مدنى ويحكم
الدولة رئيس منتخب والحكم العسكرى ان تدار الدولة بالقانون العسكرى ويحكمها رجل
عسكرى
-
انت زى الفل اهو امال ايه كولجى دى ؟ طيب مصر ينطبق
عليها اى تفسير منهم
-
العسكرى طبعا
-
لو مصر حكمها عسكرى كان زمان المرشد واعوانه متعلقين
على المشانق من سنين وكان زمان اللى بيسرق وبيفجر وبيقتل في الجيش معدوم من سنين انما
انت شايف اهو قاعدين في السجون يطفحوا محشى وبط يبقى فين بقى الحكم العسكرى
-
رئيس الدولة راجل عسكرى
-
انت بتقول عاوزها دولة اسلامية فهل تعرف ان اول حكومة
اسلامية كانت عسكرية وكان الحاكم عسكرى بيحارب مع جنوده ؟ وكانت احكامه عسكرية مع
اللى زيك
-
مين ده بقى ؟
-
الرسول عليه الصلاة والسلام كان قائد عسكرى واحكامه
كانت عسكرية عليك وعلى اللى زيك واسال كدة عن اللى سرق ابل الصدقة وقتل الحراس عمل
فيهم ايه ... بعت لهم كتيبة اعدمتهم فورا
-
الرسول كان بياخد اوامره من ربنا .... الامر مختلف
-
لا ياخفيف واسال كدة عن موقعة بدر ... القائد كان
بيحارب زى اى قائد وبيستشير جنوده ومعاونيه .... ولو بياخد اوامر من ربنا ما ربنا
كان قادر يفنى الكفار بدون حرب وبدون ما يسيب نبيه يصاب في حرب احد
-
برضه يسقط حكم العسكر
-
يا حبيبى فوق شوية الله يخرب بيت ام الكولة وقول لى انت
زعلان من الجيش ليه
-
عشان سايب مهمته في الحماية والحرب وشغال في الكحك
والمكرونة
-
يعنى انت عاوزه قوى ويتفرغ للتدريب ويسيب الاعمال
المدنيه ؟
-
اه
-
طيب بتحاربه في سينا ليه
-
معرفش بس اكيد عشان يسقط حكم العسكر
-
طيب لو هو بيتدرب وبيشترى سلاح وفى نفس الوقت بيساعد
الشعب بقدر مقدرته ده يبقى عيب في رايك ؟ مش احسن ما يسيب البعض يسرق ويتحكم في الغلابة
؟
-
................
-
طيب ليه محدش اعترض على اعمال الجيش في الثمانينيات
والتسعينات لما كان بيبنى كبارى ويغير شبكات التليفون
-
............
-
اقول لك انا لان مبارك ايامها كان بيديك على قفاك
ومكنتش تقدر تفتح بؤقك والله يا ابنى انت واللى زيك علاجك في واحد زى جمال سالم او
الدجوى
-
مين دول ؟
-
لا متشغلش بالك دول ناس كانت مهمتهم انهم يخلصونا من
الكولجية ... خد يا حبيبى العلبة دى وكمل شم وجهاد من ورا الكمبيوتر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.